TIJITAALÜ WAYUU - WAYÚU DIGITAL

1. SHIRA: ayulaasü sutuma süsirujunun otta süliichinnüin süpana wunu’ulia anakalü süpüla ayuulee.

JUGO O ZUMO: se obtiene machacando o exprimiendo la hoja de la planta medicinal recomendada.

2. ASIRUJUUSHI: asirujunusü wunu’ukalü süka ipa a’yajünüsü e’itaanüsü soo’u tü aikalü sümuin wayuu.

CATAPLASMA: se machaca la planta con una piedra se calienta y se coloca sobre la parte afectada.

3. APOOLOJUUSHI: a’lakatüsü wunu’ukalü shiroku wuin jee poolotopan ashakatinnüsü asüna müsüja’a shia.

INFUSION: se coloca a hervir la planta en agua y cuando hierva se baja y se sirve para tomar.

4. AAJAA SHEEJUU SÜKAMÜLA: aajünüsü sheejuu we’ichiru’upunaa jee wawaralu’upunaa wunu’ukalü süchikijee poolotuin, Anasü süpüla kakuaa jee motsotoo aa’in.

INALACIONES VAPORES: se inhala por la nariz y boca el vapor de la planta después de hervida, para problemas respiratorios.

5. A’LAKAJUUSHI: a’lakatüsü chechekalü sünain wunu’u (müin aka suurala, sütüi, sü’ü, süta) shiroku wuin jee oulaanüsü saamatüin süpüla süsünüin.

DECOCCION O COCIMIENTO: se coloca a hervir las partes duras de la planta, (como las raíces, cortezas, semillas, maderas, tallos) en agua y luego se deja enfriar para tomar.

6. ACHONOO: atsüjaanüsü jee achinaanüsü wunu’ukalü otta shi’ipairua tü sa’akainjatükaa jee e’itaanüsü shiroku wuin awarienta shialen aralajünüsü kaka’lia süpüla süsünüin.

MACERACION: se desmenuzan y machacan las plantas o las partes de la planta a utilizar y se colocan en agua o ron se remoja por mucho tiempo para ser tomado.

7. ASIJAWAA: a’yajaa wanee kachuweera kasain shi’ichi jee asijaa eekai ain sünain wayuu.

ACUPUNTURA: se pone a calentar un metal puntiagudo y se hace pequeños tocamientos en la parte afectada o de dolor en la persona

Wayuunaiki

Español/ alijunaiki

Sirve para/Anasü süpüla

Sükua’ipa süsia / forma de preparar

Alo’uka - Palomatías

• Anasü süpüla: oonojoo, kakuaa aa’in, aiwaa aa’in, eiyajia yooi jee sutaa ata.

Se usa para: tos, asma, dolor de estómago, curar heridas y comezón en la piel

• Aralajünüsü sütüikaa shiroku wuin otta awarienta shialen asünüsü süpüla sujutalaai saa’in, arayaajünü jee asatünüsü süpüla eiyajaa yooi.

La corteza diluida en agua o ron se usa como expectorante, y para curar heridas se raya la corteza y se cuela.

Aliita / Totumo

• Süpüla e’iijaa, aiwaa aa’in, jamiaisirüin, oonojoo, kakuaa aa’in.

Para tratar la diarrea, dolor de estómago, resfriados, tos, asma.

• A'lakajünüsü sushulakaa süpüla süsünüin.

La fruta en decocción se toma por vía oral

Ichii  / Dividivi

• Anasü süpüla eiyajaa ekuwaa aanakü, o’lojoo yooi, shunui jee ittaa

Sirve para llagas en la boca, lavado de heridas, gripa e infecciones.

• Süchonkalü juluin otta shi’itujunuin asirujunusu jee ejitünüsü sükalirakaa soo’u eekai ittüin.

El fruto seco o tostado se muele y el polvo obtenido se aplica sobre la infección.

• Süpüla eiyajaa ekuwaa jee yooi, achinaanüsü süpanakalü jee süchonkoo shiale ashurutna müsüja’a shirakalü sünain.

Para las llagas y las encías maltratadas, se trituran las hojas verdes o el fruto y el líquido que da se aplica directamente sobre la herida.

• Süpüla shunui a’lakajünüsü süchonkalü sünainmüin ku’uin so’ukalü, akaralajüna müsüja’a süka.

En caso de gripa se cocina el fruto hasta que obtenga un color oscuro, con el cual hacen gárgaras.

Kala’ipana / Carreto

• Asünüsü süpüla alee ashükü’ülü, alee aa’in jee ale’ee.

Se utiliza para los dolores de vientre, abdominales y los cólicos

• Süpüla alee ashükü’ülü, arayaajüsü sütakalü otta shiyaaitünüin wunu’ukalü jee aralajünüsu shiroku wuin awarienta shialen asinna müsia eekai ayuulin, wunu’ukaa tüü ishisü ma’in.

Para los dolores de vientre, se ralla la corteza o es rebanada del mismo árbol y se disuelve con agua o ron y se le da de beber a la persona que está padeciendo el dolor, esta bebida es muy amarga

Kute’ena / Indio Desnudo

• Anasü süpüla kamüsooinna, shunui jee so’oojuin majüyütnüü.

Sirve para la tuberculosis, gripe y baños de señoritas.

• Sütakalü menain so’oojiasü tepichi jieyuu majayütpan, süpüla anachoin sütapa’a, jaleetchoin, ichechoin

La corteza manchada se utiliza como baño cuando las niñas se desarrollan, para que luzca una piel suave, tersa.

• Süpüla kamüsooinna, a’lakajünüsü ma’in sütakalü sümaa paneera jee asünüsü süse’eruu jaarü apüintua süpüla ka’ikaa su’utpunaa piama kashi. Süpüla shunuikaa, achajaanüsü wanee wunu’u irolu, a’lakajünüsü sümaa paneera jee asünüsü sümaa wuin.

para la tuberculosis, se cocina muy bien la corteza con panela y se toma media jarra tres veces al día durante dos meses. Para la gripe, se busca una planta tierna, se hierve la corteza con panela y se toma con agua.

Kousholu / Caujaro

• Anasü süpüla ayuuleekairua tüü: kamüsooinna, shunui, oonojoo, ekuwaa amüla, kaluulaa jee sarampiuuna.

Se han utilizado para las siguientes enfermedades: tuberculosis, gripe, tos, infección en la garganta, flemas y sarampión.

• Süpüla eiyajaa kamüsooinnakalü, a’ajünüsü sa’ata sütüi jee ajuruttünüsü süpali’ise sümaa süse’eruu liitüra mapa jee aapünüsü niküin ayuulin. Süpüla shunui, oonojoo, a’lakajünüsü süsii süsün ayuulin. Süpüla sarampiuuna a’lakajünüsü süpana jee o’oojunusü süka.

Para curar la tuberculosis, se quema un pedazo de tallo y se mezcla la ceniza con medio litro de miel de abeja y se le da de comer al enfermo. Para la gripe, tos, se cocina la flor y se da como toma al paciente. Para el sarampión se cocinan las hojas y se emplea como baño.

Rülipü / Sábila (aloe vera)

• Eiyajüsü ittaa oo’ulii, aliouwaa, ishaa, aawajia ale’e, wuli’i.

Cura sabañones, heridas, quemaduras, laxante, acné.

• Anasü süpüla ee alin sümüin wayuu apalittünüsü sümaa ichii jee patiiya eekai anain süpüla aiwaa e’itaanüsü soo’u tü mayenkalü. Süpüla aawajia ale’e a’yotoonosü süpanakaa jee ayunnusü sushulakaa sulu’u wanee iita ejitünüsü palitchon paneera arayaajuushi sa’aka ekünüsü iyeshiiru’u.

Para dolores generales, se mezclan con sal y analgésico y se aplica sobre la zona afectada. Como laxante se corta la hoja y se extrae la savia en una totuma agregándole un poquito de panela rayada y se ingiere en forma cruda.

Yawa / Pringamoza

• Anasü süpüla eiyajaa katkulo sünain achü’üü jee sarampiuuna.

Es bueno para curar el cálculo renal, sarampión.

• Süpüla eiyajaa katkulo sünain achü’üü, achinaanüsü, a’lakajünüsü jee asünüsü shirakaa apünüintua süpüla ka’ikaa. Süpüla sarampiuuna a’lakajünüsü süpanakalü asünüsü.

Para el cálculo renal, la raíz se tritura, se cocina y el zumo se toma tres veces al día. Para el sarampión se cocinan las hojas y se bebe.

Eechua / Tuatúa

• Anasü süpüla ayuulee jasü’üsükalü sünain wayüülain, achü’üwaa, yooi sünain waanükü, müsüja’a eiyajia aliouwaa.

Sirve para el cáncer de colon, los riñones, peladuras en la boca, baños de niños, también se utiliza para curar heridas.

• Süpüla eiyajaa ayuulee jasü’üsükalü sünain wayüülain achinaanüsü süpanakalü, a’lakajünüsü, saamatapan asünüsü soo’opunaa wuin. Süpüla achü’üwaa, yooi sünain waanükü, müsüja’a eiyajia aliouwaa, achonoojoonüsü sütünakalüirua a’lakajünüsü müloin shira, saamatapan asünüsü yooluwai.

Para el cáncer de colon se machacan las hojas, se hierve, a lo que enfríe se toma por agua. Para riñones, peladuras en la boca, baños de niños, heridas se cortan las ramas en pedazos, se cocina con abundante agua, luego se deja enfriar y se toma en pequeñas cantidades.

Achoote / Achiote

• Sü’ükalü jee suurala anasü süpüla eiyajaa sa’ayuulein wasoso jee anaajülü weküin wale’eruu. Sü’ükalü süralajünüin shiroku seita kooko anasü süpüla ishaa.

La semilla y raíz se emplea para curar bronquitis y regular funciones digestivas. Las semillas remojadas en aceite coco es bueno para la quemada.

• A’lakajünüsü jee asünüsü shirakaa

Se hierve y se toma el agua

• Sü’ükalü aralajünüsü shiroku seita kooko e’itaanüsü soo’u ishasükaa

La semilla se remoja en aceite coco y se aplica a la quemada

Aipia / Cují

• A’lakajünüsü süpana eekai iroloin, shi’ichichooniikaa a’lakajünüsü, asatüna müsüja’a jee a’yotunusu so’ulu’u wayuu süpüla mo’upawaa. Süchonkalü a’lakajünüsha’anasü ma’in, asünüsü yooluwai shipi suukarain asha. Sütüikaa aralajünüsü sümaa wuin süsüin mürülü.

Se cocinan las hojas más frescas. Los cogollos se trituran se colocan a hervir, luego se cuela y se echa una gota en el ojo para la ceguera. El fruto se hierve hasta que quedar bien cocido, se toma la cantidad deseada para curar la diabetes. La corteza se remoja en agua para los animales.

• Anasü süpüla e’iijaa maüii, sü’leche o’uu, suukarain asha, anasia’asa süpüla ajutaa su’ulaase mürülü, süpüla mo’upawaa.

Sirve para la amibiasis, la conjuntivitis, la diabetes, también sirve para expulsar placentas de los animales, para la ceguera.